為了醫肚而買最後那幾個蛋撻之過!!

華爾登麵包餅店
西環第二街120-126號仁福大廈地舖

今日要去西環攞嘢，下午茶時間有啲肚餓，走到西環水街口見有家餅店，就買了四個蛋撻醫肚！

呢間鋪頭老闆娘好好，話最後幾個蛋撻就買晒佢免收兩個比埋我，見佢招牌寫住since 1984應該唔會太歎食，我都無睇就買左醫肚先算！

雖然賣相好核突都無所謂，但成個蛋撻同皮都無味嘅，甜度不足，大家如果有睇過我D食評，都知道我係一個泰昌蛋撻控，原本都冇諗住簡單食幾個普通蛋撻都寫食評的，但返到車上食了半個蛋撻後都忍唔住要行翻轉頭影返個門口相俾大家睇，其實唔一定係間鋪嘅問題，可能真係我地肚餓貪佢最後嗰幾個蛋撻買埋佢，呢個教訓話俾大家知，蛋撻千祈唔好買最後賣剩或蛋漿收左水那幾個，更加唔好貪平話送多幾個最後俾埋你果D！

 此外，我地還買了一個好可愛嘅天鵝芭芙，食之前都冇影到相俾大家睇，但食到中間，真係冇辦法食落去啦，你哋睇相雖然覺得剩低果本好似好正常，但其實咬落去好硬，食落去係無味嘅!! 我好少俾餐廳劣評的 ,對唔住，今個下晝真係幫唔到你啦！

不過大家不要因為我嘅劣評而唔去嘗試呢家小店，始終佢都係1984年開業，一定有所質量，此外，你地睇吓佢門口的小食品，上面介紹的文字亦都係有誠意之作，不過大家買之前記住唔好重蹈我既覆轍，買最後嗰幾個蛋撻之前記得要審慎考慮清楚先好呀！哈哈！

—————— 味道 1/5
環境 3/5
服務 3/5
衛生 3/5
抵食 3/5
——————
總評分 3.5/10
——————