原來芝士可以讓五花腩好玩又好食再配這個Oreo雪花冰就更一流!

炑八韓烤
MeokBang Korean BBQ & BAR
太子彌敦道749號歐亞銀行大廈地庫

 

老老實我真的是比佢網上的芝士同燒雞所吸引來的，橫掂今日個lunch都不是好heavy, 就來嘆個韓式lunch先。

炑八是近年開分店開得比較快，最近計埋沙田新店佢已有9家分店，一定有好野！

 每檯都有支清水，用這韓樽裝都有型D

 

前菜四小碟

下午茶Menu

韓式炸雞 $78

食開韓國料理的都會發現，炸雞最能吸引香港人，特別是晚市用炸雞來送酒飲，這家炸雞也是皇牌，這碟雞肉比較香脆脆口，最好點埋佢既酸辣醬添!! 韓式炸雞真係有佢獨特嘅「味」力。
 

我下午茶餐就唔叫韓式啤酒喇，只要加$10就可以揀特選飲品，我就來個奇異果茶$32
同試下這個藍天使$32，認真爽歪！兩個飲品甜度都ok, 奇異果茶易入口，藍天使就好像有少少薄荷，下午茶就當代替啤酒都得…哈哈！

芝士串燒 $68
我地就揀左五花腩，上檯真係夠型喇，嗰陣隻碟仲有吱吱聲，燒力迫人呀，下午茶有四串份量都接受到，將串燒蘸滿溶咗嘅芝士，你睇相就見好幾好玩，加上可以用筷子卷起D杰噠噠既芝士汁卷住件五花腩幾個圈先入口，更加好玩又好味，不要以為咁多芝士一定好咸，其實唔咸架！

海鮮豆腐湯配壽司 $52

個湯都好足料…有蝦有魷魚同好多軟豆腐，即百福果D滑滑豆腐呢！還有入面仲有這蛋花，驚喜處是入面溏心喎…雖然我估只是咁o岩得咁橋，不過咁就令到成個湯好好味道，加上還有這大大碟韓式壽司卷，入面是薄牛肉片碎，外面好多芝麻，整體來說巧巧味。這個下午茶餐份量仲多過人地D午餐呀....哈哈！

迷你芝士年糕配餃子 $48

嘩…咁大碟都叫迷你？哈哈

兩隻餃子外皮炸得好脆也易入口，味道正正常常。韓式年糕好煙韌，芝士份量好足所以味道好香！

我地當然要叫翻個勁啾甜品慰勞下部手機先啦！跟套餐只需加$20，好機會就叫這個Oreo冰沫($62)....

上檯好靚仔，其實佢係韓式雪花冰，上面鋪滿Oreo碎，除左一塊Oreo外還有兩條百力滋，Oreo碎下面好大碗冰花，盤上有碗小煉奶，如果有甜品控話唔夠甜就自己落多D。表層好快就比我地幾個清晒，Oreo控一定要試，實在太美味喇！冰沫入面還有好多碎細年糕粒，好有釂頭，上層食晒D oreo碎，下層就真係要靠那小煉奶喇！這個Oreo韓式雪花冰，真係比到我地多層口感喇，夏天將至，看來這甜品又將會是熱門之選喇！

--------------

味道 4/5
環境 4/5
服務 5/5
衛生 4/5
抵食 4/5

總評分 8.5/10

--------------

餐廳Menu:-

我碗麵著了火...由無從入手到飯菜淋漓。奶茶正到暈

金蒂餐廳 Cinta-J Restaurant & Lounge

灣仔謝斐道69號馬來西亞大廈地下

灣仔一向多好野食，金蒂餐廳Cinta-J Restaurant and Lounge已經有廿幾年歷史喇，係食傳統菲律賓印尼南亞菜式，每晚7:30起就有菲藉Live band既好有味道既餐廳，好多東南亞既菜式我都未試過，今天Lunch就來試D特別好野！

這裡的Lunch set都好抵食，我就選了

Crispy Soup Noodles (Tum Yum Style)

冬蔭湯特色雞肉炸麵 $72

這裡的炸麵我未試過，友人說一陣你就知…哈哈！

過了一陣就送上黎一碗好神既麵來....

神麵好高的，我見好像我碗麵上面著左火咁！那些炸麵好大兜，我完全唔知點入手，菲藉女待應見狀一句溫馨提示，教我將其中一邊脆卜卜的炸麵質落去湯到浸浸佢，果然巧巧味，冬蔭湯有少少辣但好香，還有那些豆卜也非常入味。不過每次食這類爆炸麵都飯菜淋漓，食到麵碎一檯都係…哈哈！個麵份量已經好多，跟餐還有椰汁西米露又有無限任裝既奶茶，唔飽都幾難！午飯有個糖水真係滿足，還有黎印尼類餐廳我一定叫當地地道的奶茶，這裡奶茶好正，跟本無需要落糖已好香濃。

朋友就叫左個靚靚的印尼黃薑飯Nasi Kuning $78

除中間個飯外，其他的配料非常豐富，有炸雞全翼、咖喱豆腐豆角、牛肉片、炸花生同個咖哩汁，有無聽過真人靚過上鏡，呢碟野上檯靚過Menu既Profile pic, 我試左兩啖黃薑飯，炒得幾香，牛肉片味濃也夠林。

如果灣仔上午開工太枯燥，想lunch來個視覺刺激，重口味的Cinta-J就一定o岩你！

----------------

味道 4/5

環境 4/5

服務 4/5

衛生 3/5

抵食 3/5

----------------

總評分 7.5/10

----------------