Espuma
尖沙咀厚福街8號H8 2樓
終於放農曆新年假喇，今晚收工當然出油尖旺找好野食輕鬆一下，黎到厚福街去下人氣店先，見到街尾H8上面有Espuma, 之前去過灣仔QRE既Espuma午飯，質量都好有水準，見lift口不是太多人就一行5人上去開餐喇！
一開lift就見都幾多人等位，我地8點來，大部份等細檯，那我地等一陣約20分鐘就有5人Sofa位都算快。這裡裝修也同灣仔一樣，simply life feel, 大部份女仔客，原因好簡單直接，就學靚靚甜品，一陣一定會叫啦！
先叫兩杯Slush, 香芋紅荳茶同抹茶紅荳茶，一次滿足兩個人既願望.....
我就叫杯朱古力榛子瑪奇朵Chocolate Hazelnut Macchiatto $42, 雖然我睇profile pic都見無拉花的，但我都大膽少少問下待應可否都拉個得意latte art比我呀，佢話這是細杯口熱飲，會試下問水吧唔敢包呀，but anyway, 上檯就勁有驚喜，黎左這個超得意既熊仔拉花，唔知點解每次我叫人拉個得意花就學小熊仔，這已是我今個星期第二隻小熊喇！不過這個水吧肯定犀利D, 咁細杯口都拉得咁細緻，要比5個like佢啦！待應小姐溫馨提醒唔好欣賞咁耐，因為底部的nutella要襯熱搞融佢呀，不過我都係唔聽話既…哈哈！加上我之後挖底部D nutella黎食，配上瑪奇朵的少少咖啡味，香甜都震，我最like!!
卡邦尼煙肉意大利粉 $78, 份量就好像少左D, 煙肉量ok, 整體好香好味道。
黑松露醬冰鮮雜菌寬條麵 $108, 份量OK，黑松露油也香到爆，麵也煮得夠林，菇片份量適度，味道夠水準！
T6 焦糖單骨雞翼 $48，上檯賣相靚仔，查實就即是3隻香煎雞翼，用焦糖炒起，唔熱氣，好香口，單骨有到好，就是好易入口，大家都滿意!!
海鮮西班牙炒飯 $138, 少少辣，飯粒分明但未夠林應幫吸唔夠個汁，應該再煮多少少時間等收乾少少汁會比再正D, 而隻蝦煎得好靚，好有蝦味幾新鮮，兩隻青口也好大隻好有肉地，鮮味濃，$138合理價！
好喇又到左緊張時刻就是相機食先既甜品喇....
今晚星期五就選W6 Sweet Carving Waffles (Full) 紫薯窩夫配雪榚 $105，呢期紫薯大熱嘛，佢有四款雪榚球可選兩款，我地就選了士多啤梨同抹茶雪榚，好像還有香芋同朱古力你揀。我原先以為就係一大碟靚靚窩夫來的，誰不知上檯就好玩喇…有四支Test tube試管玩份子…哈哈！唔係…係有黑白兩款糖醬、小棉花糖粒及朱古力糖針比我地玩既！正！ 那碟窩夫好大碟也比那兩個雪榚球架到高嵩入雲，雖然大家都相機食先，但由於個建築有點<永不倒的傾斜>…所以都是要盡快玩份子試管喇！黑白糖醬其實就是朱古力同白朱古力漿，好香甜，再落埋小棉花糖粒成坐塔就大功告成喇！當我地建築物化好妝未入伙我地就正式拆樓喇…哈哈！窩夫好重紫薯味，還暖暖地，配著雪榚一樣多重口感，四支試管也比到我地更豐富既味道，這是我地食過最好味最豐富口感也是最好玩的新派窩夫！
灣仔尖沙咀既espuma我都來過喇，佢地成日換菜單，等下次我再帶其他朋友去佢中環店食埋就夠完美喇！
----------------味道 4/5
環境 4/5
服務 4/5
衛生 4/5
抵食 4/5總評分 8/10
----------------
沒有留言:
張貼留言