兆萬三樓放題唔駛等lift，黑松露及中式小碟幾有驚喜

櫻花中日放題
旺角西洋菜街1號兆萬中心3樓301號舖

成個月無來旺角放題，今次費事同人迫搭兆萬果兩部電梯，就上扶手電梯上兩層就到既櫻花中日放題試下，未來過，平日7點幾這時段咁arm唔駛等位，但其實入去都差唔多坐滿，即有位兩人卡位檯正晒!!

 又日式又中式小炒，上次試樓上日韓，今次就試下日中都好，菜式好多野揀!

 我咁影三幅柯打單都應該夠晒清楚喇吧!! 哈哈

無限自取罐裝飲品，好多康師傅，火鍋放題常客，未試過冰糖雪梨嘛!!

 先來個黑松露系列的兩款壽司，真的好有黑松露油味，這個黑白配又幾正喎，加上三文魚幾肥也切得幾厚，正呀!!

剌身同其他幾家放題名店一樣咁砌得好靚仔，你知這家店叫得做櫻花中日放題，原來那櫻花就在這盤剌身上展示喇! 那兩隻虎蝦好大隻幾爽口；三文魚好有味加上我好Like厚切剌身，啖啖肉唔錯!! 希靈魚不腥，角螺肉就有點乾身，還有泰蝦剌身正呀，我無叫佢比酸辣汁，但蝦身好爽脆值得加獎!! 蟹腳肉都夠粗，還有幾片海膽好濃味！這盤剌身整體來算是中上貨式，四星以上，如果多幾個朋友一起來相信會更正!

 火炙三文魚及火炙玻璃蝦香口肉質嫩

 燒蠔就必點喇，蒜香味濃，蠔味不太出，肉質新鮮，我去見到佢地水吧附近一大櫃蠔，應該是每朝交新貨來那種，OK可叫多幾隻!!

這裡叫得上做中日放題，我當然要試埋佢地既.....辣酒花螺，好辣下，花螺都算得上新鮮!!

 炒蜆幾有水準，上檯超熱，可能細碟所以炒起上來好夠火喉，蜆肉都好易離殼，香辣適中，份量少少都幾正!

 椒鹽豆腐也非常辣咀，火喉十足，這裡中式野都真的有D水準，這方面好明顯有別於樓上幾家放題，這品腐的外脆內軟，比得上兜記小粒的椒鹽豆腐粒咁喎!!

 蟹皇羹正正常常啦，粉唔多，反而蟹肉份量十足，做放題既餐廳一般都不缺蟹肉吧.....哈哈!!

 七味燒雞翼，雞翼面再落左孜然味、七味粉同芝麻黑椒，比得上三哥既土匪烤雞翼，大家可試!

 燒菠蘿就偏淡不夠甜，水多左少少

番薯仔燒得幾香，我連皮o趙細細粒o岩晒我!!

燒鯖魚反而有驚喜，不乾身有Juicy feel, 肉味濃

燒三文魚香脆，比較多骨，落左唔少調味料

 
燒多春魚正呀，剛剛好，好鮮味，也脆卜卜!!

 鹽燒牛舌偏淡，可能重口味會再正D!

吉列蝦炸得好香脆!

 我通常臨尾會再補多幾口刺身回味無窮!!

 無限任食牛奶公司雪榚同雪米滋

 
 滿足滿足!!

P.S. 是晚旁邊一大幫人分三張檯開生日會，好熱鬧，平日既晚上8點幾都幾近滿座! 樓面都唔少人，服務中上，$208一位也算抵食之選!