晚市團年飯賓墟既場面。價錢OK但好擠迫

皇庭匯 Imperial Restaurant
大角咀海富苑海富商場1樓106號舖

今年我地團年飯就早少少食，早一個星期六搞費事要下星期年廿九先同人迫及鬥貴嘛，每年選地方都要就兩三家人，今次就book這皇廷匯一來近旺角嘛，二來佢新裝修試試先！
星期六已好旺場，佢地分六點及八點兩場，我地就揀八點啦，唔想食食下比人八點就趕走無引嘛。

這晚我地7點9左右就到，但要等六點頭圍走都等好耐，你地睇下門口等八點既客越來越多，我估連埋轉彎位有成70人在等入去，我都要成8點9先入到場，門口及離場管理都好差勁，門口得一個知客完全同客無溝通，好多人都好鼓噪！

入到去個景象完全嚇死人，賓墟既場面，大堂左邊間了三間VIP房，應該是訂了兩三圍的，但外邊全部大檯都放得好迫，連主要行人幹道都只有一人闊度，我都咁多次酒樓晚飯都係第一次見咁迫咋！我見到所有樓面做完個頭圍都已經好攰咁，仲要在咁賓墟既場面服務埋尾圍…我地落柯打都要就住，驚會有人爆呀…哈！(其實我覺得大時大節酒樓應該學放題，5:30pm頭圍8點尾圍，那才不致令尾圍的食客鼓噪嘛)

Anyway, 呢到既節日菜式其實唔貴，你睇好多菜式都好易叫得上手，我地11人就叫了兩客龍蝦加伊麵、鮮菌紅燒豆腐煲、咕嚕芝麻黑豚肉、蠔皇冬菇扣玉掌、翡翠花枝蝦球、吊爐鹽焗雞同埋海龍躉兩吃！
茶壺個牌幾有型，不過當我地斟晒茶後叫極人都無待應得閒理幫我地加加水，我唸等了8分鐘才有人加水噢！

先來第一個菜就是鮮菌紅燒豆腐煲，我地巧肚餓當然好食啦，哈哈…味道OK也夠熱！豆腐外皮也煎得夠香！

咕嚕芝麻黑豚肉，其實o者係無骨版既生炒骨，普普通通啦，肉有點韌添！

翡翠花枝蝦球幾爽口，花枝片也切得好薄不過D翠肉瓜就好少又好細舊，比較失色！

蠔皇冬菇扣玉掌就是全晚比較好味入味之選，冬菇好大隻也燜得夠林，全個煲都好入味，鵝掌也好味夠軟夠肉！

個吊爐鹽焗雞就真係吊詭，好像黎左燒雞rather than鹽焗雞，不過我地見佢燒得都幾香就休佢keep係到唔叫人換喇，食落其實無乜特別，不算嫩也不算鞋！

海龍躉兩味，有配西蘭花炒龍躉球，及黑木耳蒸龍躉球，好香也炒得幾到位，不過西蘭花就有點硬未夠林身;而蒸球那邊就不過不失，有點遍淡，不過龍躉還是清蒸的上檯夠鮮D！

最後上檯既就是主角…芝士焗Double龍蝦!! 我都未見過這樣鮮黃色既芝士焗龍蝦，唔知佢用乜芝士都幾有Artificial feel….haha! 不過食落原來非常味濃，龍蝦兩隻不算太多肉，這次上檯好像是開邊切既沿固，沒有啖啖肉的口感，應該每隻得斤零重，這次不如及打一隻三兩斤重稱既大龍蝦好肉好多，所以下次大家要識叫喇！蝦肉也不是太有肉味，只有芝士味，感覺不太理想！

----------------

味道 3/5

環境 1/5

服務 2/5

衛生 4/5

抵食 3/5

總評分 6/10

----------------

環境高級但依然有午市三送飯。輕鬆平和的午餐

天然齋 Green Veggie
灣仔謝斐道254-272號杜誌台11-12號地舖

呢兩日食得咁Heavy, 今天Lunch路過Jaffe道就見到這個招牌Green Veggie, 比到我清清地既感覺，就吸引我入去試下先…

這裡裝修好像高級西餐廳咁，而一般齋鋪午市都有做三送飯，竟然這家午市都有提供$48三送選擇....

寫得好清楚，不過就無得你揀那三個送，只有兩送與三送之選，另加$10有埋酸齋，我見好多女仕都有加! 我今天不是太餓所以就選三個送$48試下!有四季豆炒素鴨、涼瓜燜豆卷及南瓜燴珍菌

仲有英文版本!!

還送我這張咁有意境既小書籤，入到黎果真比到食客一種平和之感!!

南瓜清湯

整體份量剛剛好，四季豆炒素鴨、涼瓜燜豆卷及南瓜燴珍菌，豆卷及南瓜特別好味，其他的就味道較清淡，不像其他非齋菜食肆的味精濃度。

這三送飯加清湯配合這個非常舒服的環境，這個午餐配上紅米白飯給我輕鬆的感覺!!

其實每家齋鋪都有驚喜的晚市，下次可來試下試試佢地吧!!

香得好緊要的葱花醬油將軍拉麵

武士拉麵 Samurai Ramen
尖沙咀柯士甸路15號柯士甸大廈B座地下

好耐未食過日本拉麵，今晚由佐敦山林道果邊落黎尖沙咀的金巴利道就到三角公廁見到有家幾有日本Feel的拉麵小店，門口好多拉麵資訊，而且還有部薄電視Loop住講拉麵定湯底咁，望入去D食客一字排開幾有Feel, 見有幾個位就即時衝入去試試先!!


就在三角公廁斜對面

門口部薄電視Loop住講拉麵定湯底!!

間店叫武士拉麵，入面D拉麵全部用晒日本戰國時代及江戶時期D大將軍姓氏來做拉麵名，令男仕們都會聯想起德川家康同豐臣秀吉等打機角色....哈哈! 老闆都幾有心思!!

這類自己服務自己飲品，有無限綠茶自己斟，不是就咁水一杯，也算有驚喜! 

點菜單一張紙過，一面繁體字另一面日文字，山林道呢頭除了多韓國人住外也多日本藉人仕出入，可能東主也要照顧日本人吧!!

我地就選醬油豬骨湯底拉麵(即德川將軍拉麵)及四國香蔥油湯底拉麵(即豐臣將軍拉麵) 

 
老闆好好招呼客人，好像去了東京橫街窄巷的拉麵小店咁既感覺!!

先來個醬油豬骨湯底拉麵(即德川將軍拉麵)

個湯不得了，味道出奇地濃，重口味人仕o岩晒，食過其他拉麵都無這味道，豉油味重，我問老闆佢也不違言說佢的秘方還有日本特別來的醋，這個湯底好野!!

叉燒賣相靚仔，肥瘦均一，入口溶化又幾香口!!

個湯濃得有道理!!

叫了隻糖心蛋開半分到兩碗麵中，賣相一樣靚仔，蛋味唔錯，只是滷水淆不夠，但流心控制得幾好!

這裡有好多配料我都試下，其中這罐拉麵胡椒幾正，落少少可吊出更強香味，唔知邊到有得買!! 

四國香蔥油湯底拉麵(即豐臣將軍拉麵)，嘩.....我唸唔係周圍可以試到這碗企響樹都聞到香噴噴既拉麵!! 上面有超大量既碎蔥，好像不是一種蔥來的，唔知佢點炮製，這個湯底不是太濃，可配出香味，我估這個組合應該有特別控制過吧!

叉燒肥瘦均一，入口溶化

檯上有大個牌推薦我地當試完頭啖湯後可加點這個武士店長特製魚油，就能提升魚介味道，落左後個湯就無乜分別，但個麵就有多種魚味，好像鱈魚既味，建議入多幾啖湯先落魚油添味!!

好味即麵食.....當然唔會有得剩!!

幾個小將軍擺設是必須的!! 哈哈

天寒地凍，後排排滿我同其他客人既大褸，極度日本控!!