泰廚泰國菜館 Thai Chef Thais Restaurant
旺角通菜街126號地下 旺角地鐵B2 / B3出口 旺角道轉入(金魚街)
這家泰廚位於金魚街旺角方向行到尾即未到旺角道那個位置，咪有間老麥既，上天橋前就見。今晚比佢在門口擺個串燒燒烤檔所吸引，望入去又幾多人，人去前見到佢Menu有$1雞.....唔係! 係$1有泰式蝦，那就二話不說就入去試下佢!!
佢這裡有兩大優惠，$1任選四項之一，一定個個都Like, 此外就是每天都有一碟優惠菜式，早知琴日黎，琴日星期日既就$168有咖哩軟殼蟹! 不過今天有古法烤槽魚都叫啦，我去開魚米都會叫盲槽啦，少骨嘛，先$99, o岩晒我!
佢最快來的就是$1泰式生蝦，我食泰國野最開心有佢，記唔記得我上次去日韓放題我不停叫泰式生蝦?! 哈哈佢附有個綠色既醬，我問佢地話叫做.....生蝦醬!! 個名咁無誠意架，但又好好味喎! 佢配落生蝦到吊到好味，生蝦都幾爽應該不是整定的。
鋪頭既椰青好像名牌野，有張咁既Bar code貼子，甜度適中，入面椰好易挖，左右好多檯都有叫，好像好新鮮。
冬蔭大頭蝦湯，其實佢有兩款冬蔭功湯的，一個是呢個冬蔭大頭蝦湯同另一個冬蔭海鮮湯，我開頭唔知點揀，我就問佢點揀好呀.....經理就話:一般冬蔭海鮮湯周圍都有啦! 黎到就梗係試下大頭蝦啦，味道濃D嘛!!" 我一聽到話味道濃D就當然係叫這個冬蔭大頭蝦湯啦！個冬蔭功來到就得人驚喇，好大隻蝦呀!! 實在大驚喜喇，先$75，就有成4-5碗冬蔭功湯份量再加隻咁誇既大頭蝦，我開頭仲以為得個蝦頭，點不知都仲有佢既少少肉身吃，有點大滿足既感覺!! 個湯好濃味，有點偏酸，辣度可接受，好香的，在中段來既時間剛剛好，這是除左那烤魚同生蝦以外的亮點!!
我有叫到青咖哩海鮮配烤薄餅，青咖哩不辣，海鮮足料，有青口、蝦球同魷魚，青口OK, 最驚喜是魷魚，煮得好林，非常好味，一o趙就斷，你地真的要試下，如我下次來會叫佢海鮮只落魷魚添....哈哈!!
烤餅方面，我第一塊先唔點青咖喱，你估佢唔到.....竟然有好重椰子味，真係幾有誠意之作，
串燒都一定要試啦，佢有串燒和牛，先$20串，雖然已有點飽，但都唔叫有點對唔位自己，都幾有牛味，一點也不騷味，幾易o趙，好大件！
如果九龍越食泰國菜要有咁既品質既，我估要5-6佰蚊落樓吧，旺角這店都算平靚正，最重要有幾個驚喜，泰國菜又有另一個好選擇喇!!
沒有留言:
張貼留言