橫街窄巷的平民意粉屋，雖然迫迫地但巧有品質喎!

意蠔屋 Pasta & Oyster House
紅磡德民街29號地下J1舖
​
今天來紅磡見客​​，​當然要去黃埔民泰街那個巡視下多家食肆，由於今日趕住見客又時間無多，巡了民泰街​一個大​圈後.....行入內街就見到這家一點都不起眼的"意蠔屋"，我有點印像好像去過佢北角那家分店既。

紅磡既店一向都好得意，零舍多好細既食店，意蠔屋​真係乜都好細，位又細，所有野都好迫，但門口佢既自選Pasta餐牌又幾吸引喎，那我見有人出來有位就入去試下喇!!
​ 

佢地用地方都用得幾盡，細細間鋪，連僅有的走廊既牆都用埋來咁樣樣放餐具及Menu, 服左佢!!

 
仲用埋洗碗公司，那批箱就放在我側邊，唔多開胃....哈哈!! 果然將空間用到盡呀!!

 竟然意粉都有得自選好像車仔麵咁有趣，那我就選吞拿魚加大蝦螺絲粉配白汁! 兩送$42加$4，仲送野飲，幾好!!



等左約8分鐘，來喇來喇​.....可能又​要​秉承佢地慳位既做法​​，就​用個中型既方碗上​ ​​... 哈哈!!​ 幾足料，都幾香，可惜我無時間，否則如再加多$8芝士焗一定仲正!! 你睇下佢果$2隻既大蝦，去晒殼架，尾都無殼幾有誠意，好脆，大蝦來算幾有質數架喇，另加$4抵到爆炸啦，你地話係咪?! 整體好夠飽，我完全收貨，好好味! 不過都係果句，我個人比較喜歡濃味，你地唔吃得咁重味既就唔好叫吞拿魚​加重左味道。​

杯熱朱送既，試得出用吉百利朱古力粉，應該有加點脫脂奶，廚師一人做埋水吧，佢都顧及到加奶，夠甜！

P.S.後記: 呢到叫得做意蠔就當然多人來叫蠔啦，我臨走問過佢地，佢話全日供應的，好新鮮，因每朝都會有新蠔交來的，可惜我趕時間，有緣下次來試下，​每朝交來的那我不如午市來仲有靚野食，下次見啦!!