米走雞 Running Chicken
太子彌敦道761號太子藍馬之城2樓
今日要在太子花墟買花苖，所以之前已睇Openrice看有什麼好野食，天寒地凍當然要食火鍋啦，雞煲就食得多，今晚試新野，聽講這家米走雞有好滋味既雞煲，一於上去暖暖身先!
在藍馬大廈的二樓，好難相信在一幢乙級寫字樓的二樓會有家火鍋店，還要成幢都係教育中心補習社，樓上Cafe就見慣不怪，火鍋店就幾搞野!
可能天氣凍，閒日都全院滿座，等左廿零分鐘就有位，幾熱鬧!
這裡還有兩間大VIP room, 如果下次人多一起來都幾High!
甫坐底就見到米走雞這個o麥頭既電磁爐，感覺幾衛生!!
有辣有唔辣，又有好多配菜選擇，上得來的，我當然就選佢個黃金芝士雞煲啦!
間間雞煲循例都要教下D食客要先食晒煲內的雞件，再加湯後做超好味的濃湯湯底火鍋嘛!! 睇佢卡通演譯啦!!哈哈!!
菜單非常清晰，一目了然，Tick了個黃金芝士雞煲(小)，由於都幾肚餓，二話不說都Tick埋虎蝦、四併餃、特級雪花肥牛、翡翠苗、響鈴同野飲!!
主角黎喇，同其他雞煲一樣，所有雞件都已剛剛在廚房煮到o岩o岩熟好嫩身才連煲上檯，這裡也一樣，不過就多了層好濃又幾鬼香既芝士醬同超大量洋蔥上檯，視覺上好大衝擊!! 開中大火，約5-8分鐘就水滾卜卜聲，不過注意，由於個半芝士醬湯底都幾杰，所以D水泡可以彈出鍋外，大家小心控制火喉!! 雞件每件Size都切得好適中，我吃頭幾舊真的剛剛好好嫩身，味道好正，完全無需再點任何豉油醬汁之類已剛剛好，但又完全唔知D雞油去左邊!!哈哈! 而我食這個芝士雞件就有少少心得，就是一夾起就放在口上啜下D汁先再食，雙重感覺，一般雞煲只能比到咸味或麻辣味給你，這樣吃能給你有獨特的經驗!!
嘩....虎蝦比我想像的大隻!!
食到咁上下D雞件，就可叫哥哥仔幫手加湯開始我地既真火鍋!! 哥哥仔加既湯是泥黃色的，問佢佢話是芝士湯!! 正到暈，好期待淥大虎蝦....
那些虎蝦真的巧大隻，我隻碗放兩隻就滿座喇!! 我唔客氣喇!! 堅爽脆，又真的唔駛點豉油，無比那咸味蓋過蝦香，反而用芝士湯又幾夾喎!
響鈴咁樣上檯才有型架嘛，唔通你估好像其他火鍋店咁無誠意架咩，看來這家食店既老闆應該係老手，有D計既!! 響鈴大條又好厚身，就要淥耐D!! 話時話，其實佢D響鈴又唔駛用D咁多個圈又鬼咁大件既，老闆你其實可以訂D薄身細件D其實我地都OK架喎....哈哈!!
這個就是招牌菜之一既"哈哈蝦中寶"，好大隻，是手搓的，蝦膠釀住中間的大虎肉，幾特別!!
蝦中寶上面那些是蟹籽，你會好好奇那咁樣放落鍋到，那些蟹籽咪會散開晒....
但答案其實係唔會有事架，你睇大部份既蟹籽還貼緊個蝦寶，幾搞笑!! 食落好美味，幾有咬口，中間堅有大蝦粒，蝦膠又好有蝦味，這個菜式起碼唔駛自己用匙更落蝦膠魚肉膠咁oY!! 一分錢果然有一分貨!!
鮮製四併餃....有菜肉餃有韭菜餃有蝦餃同水餃，8粒一起落鍋，韭菜餃最香!!
翡翠苗 $18 抵喎!! 無奶油唔叫架嘛，又好易淥!!
特級雪花肥牛，好薄身，雪花真的靚，因為個芝士鍋底比正常湯火鍋更熱，所以建議不要淥太耐，要快手才好食，一流!
野飲就是津路烏龍茶($16) 同咸檸七 ($14)
P.S. 後記：全程我地堅無取豉油及豉油碟，而哥哥仔又從來無比過豉油碟或任何醬油我地，奇就奇在我食到好後期才發現原來我地原來無用到豉油，所以這家米走雞今晚就給了我們一個無醬油而都惹味既雞煲體驗，真係值得我地下次再來!!
沒有留言:
張貼留言