燒魂一
尖沙咀漆咸道南57-59號金馬倫中心2樓
尖沙咀漆咸道南57-59號金馬倫中心2樓
因為要就睇戲，所以我哋就book咗最早的時段六點至到八點果場，這個時段總算不駛同人迫，我哋叫餸亦都好快送來嘛，這裏環境應該是新裝修的，樣樣野都好新
每張枱天花都有一個大嘅數數牌，可能方便門口職員唔駛帶檯就直接叫個客去那一績檯吧，也方便記得自己台來寫柯打紙吧。
估不到燒肉放題竟然會有這麼多菜式選擇(點菜柯打紙在文章最底部份)，我們二話不說就先填左好多刺身，差不多所有的刺身品種都Tick晒，包括有三文魚、吞拿魚、劍魚腩、八爪魚、鮑魚片、北寄貝、玉子同埋帶子及甜蝦等
過幾分鐘砌好送上檯真係靚到暈，一定係相機食先啦！這裡的刺身非常非常之有品質，三文魚刺身味道非常突出，入口即溶，相信是三文魚的上等貨，大家一定要是一定要試！雖然這裏沒有彈下牡丹蝦，但這個大甜蝦也比出面的虎蝦好味，我們好少在旺角放題會試到咁大隻的甜蝦，加上甜蝦又幾濂口也有蝦味！
食完刺身之後就送來一碟嘅壽司，值得推介的是火炙三文魚、帶子壽司及水蜜桃花之戀，做得亦相當有水準！
天婦羅炸得非常之金黃色，熱力迫人，相信是用新油炸的，炸蝦及蟹腳肉也好味！
好啦，食完刺身同前菜我哋就進入主菜階段喇！黎得燒肉放題怎可以唔試下日本和牛呢？我哋一定要試吓佢推介的黑毛霜降和牛及安格斯牛粒、還有他們稱全港獨家的牛裡肌！
這裏的燒烤爐有別於出面韓燒的燒烤爐，是用網鍋底的，所以應該會冇咁易煎燶牛扒，男職員亦好貼心咁幫我地鋪上牛肉怕我地浪費了和牛，亦不時行過過黎提一提我們係時候返一返吓D較薄嘅牛扒，不消幾分鐘，部份和牛D油花融左有油滴落去個鍋底也起火了，燒烤玩味十足，這也是用網燒烤肉放題好玩之處！
當然除咗來燒牛肉以外我們也叫了大量海鮮，你們睇吓圖片非常之驚人，上檯賣相好有霸氣！有北海道牛油帆立貝、日本小玉貝、鯖魚、多春魚、沖繩小烏賊、深海大蝦及韓風龍脷柳等！待應細心教我們較易熟的放旁邊，而厚身肉類就放中間，最值得一提的是牛油帆立貝，每隻帆立貝上面也有一塊仔小牛油同生油內有大些香蔥的，在爐上看着牛油慢慢被熱力融化並滲入隻帆立貝之內，這個燒烤過程非常好看，以帆立貝不消三分鐘就少好了，好玩好睇也好食！值得多叫幾件來燒!
我們也有叫雞翼，這裏也很窩心，一早已將雞翼二分半了，方便燒也方便食。
還有日本小玉貝，我之前在尖沙咀地庫韓式燒烤店食過，這裏的也非常之Juicy，鮮味十足！
至於其他的燒物，例如極上黑豚肉、辛辣七味一口團同花枝丸，也有相當水準
今晚日式燒肉放題，能有這樣質素的刺身，及和牛燒烤，三位埋單＄752, 大家一點也不覺得貴，食得也相當滿足，由於今晚我哋趕住睇電影，連甜品都冇食，下次我會先睇咗電影，更加肚餓時再來試吓他們九點半後的消夜放題，應該會更有驚喜！
——————
味道 4/5
環境 4/5
服務 5/5
衛生 5/5
抵食 4/5
——————
總評分 8.5/10
——————
點菜柯打紙:-
沒有留言:
張貼留言