Cutie的Latte拉花配上嘩嘩聲的迷人窩夫

Cafe Charm's

紅磡黃埔新天地3期百寶坊地下G27號舖

有睇開Instragram都見紅磡黃埔呢到有家好野，同老尖The One既Dazz乜乜乜一樣都屬相機食先既西餐廳 - Cafe Charms，今晚就儸定腳架相機食先…講笑o者！

我在紅磡站穿過都會商場行來都不算難搵，門口不是主要大路，人流麻麻地，但晚市都坐滿，好彩不用等位！

這裡裝修浪漫也具有少少英式維多利亞感覺，相信日間來個All day breakfast都係唔錯既選擇！

既然咁英式，就叫個靚靚花茶…

玫瑰洋甘菊花茶，四件頭上檯，待應小姐提醒先讓佢煲多兩分鐘才落蜜糖再落茶。蜜糖也有花香，花茶其實是用茶包，但也不影響茶味，好靚仔，好多檯也有叫這個花茶！

既然相機食先，當然叫翻杯熱飲做Latte art, 就選樣少飲的…熱培茶鮮奶吧！另提提待應幫我拉花拉個超得意既…hehe!!

甫上檯個latte art得意到暈，個水吧都幾好功夫，我地放在檯上成5分鐘都唔捨得飲佢住呀…哈哈！培茶有燒過茶葉既味道，幾香濃，味道有點像那個濃版的喜瑪拉亞茶，有樣又有內涵！

Carbonara方面，份量適中，煙肉肉碎十足，芝士白汁都OK, 如果再炒得乾身D會更理想！

大家有睇開我Blog都發覺我特別like Black Trufflex同意大利飯控, 基本上餐廳菜單一有黑松露既或意大利飯我都頂唔緊，所以黎到我又點這個黑松露意大利飯，未放底已聞到黑松露油味，好開胃，濕度也OK, 飯也夠林，滿意！

佢地個All Day Breakfast個名都好搞野，叫迷人早餐Charming Breakfast！

上檯大大碟都好齊料，蛋炒得好嫩滑，條腸仔好長喎又超Juicy, 5個Like呀，還有煙三文魚、牛角包還有大塊薯餅好正呀！

這個早餐加$5就有杯Cafe Latte...

當然要啦…又相機食先嘛！你睇就有佢地送個招牌拉花白天鵝，幾靚oY! 奶香ok!!

最後當然就是不容錯過的甜品階段喇！見IG上佢地幅幅Waffles都巧吸引，我地就點這個花樣迷人窩夫Charm’s Waffles w/ Strawberry & Banana $92. 聽個名大家都知佢係招牌甜品上檯唔駛講野大家都嘩嘩聲，正所謂真人靚過上鏡，上檯佢真的靚過Menu那個profile pic, 兩個雪榚球有士多啤梨同朱古力，連埋Cream打棟企成碟野真係靚到頭暈好吸引，我地幾個人差唔多都嫌部手機先得太耐都等唔切將佢5馬分C了，哈哈！味道甜度也相當適中，Waffles暖暖的所以配上雪榚糖醬Cream香蕉士多啤梨同棉花糖層次豐富口感多，Yummy Yummy!!

----------------

味道 4/5

環境 4/5

服務 4/5

衛生 4/5

抵食 4/5

總評分 8/10

----------------

推介美食:  迷人窩夫, 熱培茶鮮奶, 迷人早餐, 黑松露意大利飯