七福神和食亭
佐敦彌敦道311-313號1樓
朋友今晚請食飯，佢話呢間好食過放題多多聲，我梗撐場啦！就咁睇個地址就以為好難搵，原來就在嘉賓後面街，樓上大單邊當眼位！我印像中這當眼位以前不是叫七福神的，上網睇翻之前叫富田美食亭，現在都搬到藍田那邊喇!! 這鋪下面門口位就有泊車服務，正牌佐敦Feel。
我就叫了…
金龍蝦皇飯卷 $45
燒雞翼串 $33
燒冬菇串 $25
日式奄列炒飯 $45
石鍋燒香菜海蜆胡椒湯 $60
宇治綠茶雲尼拿奶昔 $30
芒果活乳酸 $30
菠蘿雪芭 $48
和風香蕉船 $42
宇治綠茶雲尼拿奶昔 $30
芒果活乳酸 $30
芒果活乳酸 $30
飲品先上檯，芒果顏色吸引，甜度適中，夠芒果香，yummy!
奶昔也試了兩啖，無乜奶味但好有綠茶香，凍甜飲當然唔會差得去邊吧。
牡丹蝦肉質甘甜綿密細緻，口感一流，也因為我太耐無吃牡丹蝦之故喇....哈哈! 因為成本問題，現在出面翌趙店都用大虎蝦代替牡丹蝦，但我想講，特別是日本及加拿大既牡丹蝦味道是最佳的。雖然我無考究佢既牡丹蝦響邊到來，但三文魚腩我就知喇，因為佢檯面張墊檯紙就印著近牌成日出廣告既【挪威三文魚愛吃沒理由】，三文魚腩是三文魚身上至肥美的部份，也是我至鍾意的部位，今次佢厚切的三文魚腩甘香又肥美，我真是大滿足呀!!!
石鍋燒香菜海蜆胡椒湯 $60
這個上檯型到爆啦，熱鍋熱力迫人，帶酒味的胡椒湯不斷泡泡蒸發，好多隻海蜆，也夠大隻，食落也帶鮮，還有好多菜同粉絲，份量十足十，酒味不是太濃，可能蒸發晒。至於個湯，朋友就話好濕叫我唔好飲咁多…sorry囉我差唔多清晒，哈哈！
燒冬菇串 $25
兩個燒物都夠乾身，上檯夠熱，冬菇不夠咸味，可能唔夠孜然粉吧；雞翼好香也咸度十足夠惹味！
中間的海蝦都幾大隻，隻蝦上檯時也時剛炸好也熱的，反卷外軟內脆，味道香口開胃之選。
這個絕對是今餐的驚喜，外型無乜特別，但入面是好重燒汁的日式炒飯，加埋一起食的絕不能與出面的一般蛋包飯可比，香氣同咸度非常之夾，食趣大增，份量也好大，你地要叫呀！
到甜品啦，菠蘿雪芭 絕對又一驚喜，成隻小菠蘿原隻上檯，個椗就反轉切左，成個小菠蘿都好冰凍，放在冰粒上凍上加凍…揭開個菠蘿蓋，入面的雪芭有點硬，但用力筆出黎就好鮮甜，有別於一段雪榚，無奶的雪芭生菓味就非常之突出，真係好像食緊個甜菠蘿咁，好滿意！
好耐都無過香蕉船嘛，無乜好講…好味又開心囉！
---------------
味道 4/5
環境 4/5
服務 3/5
衛生 4/5
抵食 4/5
總評分 7.5/10
---------------
餐廳Menu:-
沒有留言:
張貼留言