路邊巧遇酒店級特色點心店。要試反斗糕、不是炸兩!!

籠太子點心專門店 Prince Dragon
太子柏樹街9號

今天收工去太子找好野食，好耐未試過晚市吃點心食肆，今次就來到柏樹街的籠太子點心，叫得上專門店應該質數中上吧，見入面差唔多滿座，就入去睇睇先....

入面的裝修好企理，D燈好有心思，用了新派Fusion菜用的鳥籬燈飾，老闆看來都花過唔少心機吧。

呢到好多唔同國藉既客仔，坐我旁邊的是大陸口音的，後面既就有兩位黑皮膚客仔，看來都應該有遊客慕名而來吧!

一坐下就問我地飲什麼茶，及來個水兜有少少茶樓Feel!

呢到一張落單紙就齊晒，我在門口已被佢既老火例湯吸引，唔飲對唔住自己，先Tick左兩個老火湯，再試下一些未聽過既菜式.....呢到有個叫反斗糕、不是炸兩，唔知道"不是炸兩"那究竟會是什麼呢....哈哈! 還有千絲卷同沙律盞，個名都幾吸引!! 

先上檯的是那兩碗老火湯.......哈! 原來好大碗架，我地兩個人其實叫一碗都已OK...haha!! 

好足料，粉葛林得好緊要，你一定要試!! 好多赤小豆，幾老火喉，飲了不口乾，看來是真。老火湯!! 

再來這四個點心，老實真的不知是什麼，問了才知是我叫的反斗糕....

好好味，是少型馬拉糕來的，甜度剛剛好，感覺好衛生，幾鬆軟，份量唔錯，外型都幾反斗!!

煎蝦膠釀茄子，底部是茄子，面是釀蝦膠，一般酒樓不會有這款菜式，茄子煮得林，不硬，由於蝦膠有煎過，好香口，兩個人成四件就多左D，但好味!!

這碟就是傳說中的那個"不是炸兩"喇！就咁睇咪就是一碟炸兩，其實入面油條既入面係釀左料的，好像有蝦膠定芋頭及蔥花之類，要襯熱食，外要軟、中間脆再加入面都幾有咬口，口感好獨特，一次滿足幾個願望，值得叫這個，起碼出面無先啦！

海皇芝士千絲卷，聽個名真的幾有絲意…哈哈！外脆內爽，入要隻蝦都幾爽，配埋D冬菇片好好趙，隻蝦都幾新鮮好大隻，這碟抵到爆…先$20, 如果酒樓有肯定是頂點計，半價食好野！

香芒沙律盞…不過不失，無見到有芒果粒，但芒果味濃，皮也過得去！

燒賣皇啖啖肉！

生炒糯米飯....好香好入味，食得出是真生炒的，所以後上係有原因吧，粒粒都分開又幾乾身，蝦米臘味好足料，天氣開始轉冷感覺好溫馨!!

後記，這裡品質及得上酒店酒家，但就三折至半價就食到好野，難怪全Full House, 添好運靠名氣，這裡就看品質喇！識食的，你就會明我講什麼架喇.....哈哈!!