魔法般的好味道。難忘酒店級的朱古力Mousse 2

魔膳工房 Mage Kitchen
觀塘開源道77號業發大廈一期2樓D室

成日去開觀塘開源道都會見到路邊有這個入口上樓上Cafe, 其實近年觀塘多了好多樓上餐廳我都未試，那我早兩日就上Openrice check這間魔膳，發現佢都幾好多好評，那我今午約了在觀塘見客，見完客6點幾就自己一個去試下這觀塘樓上鋪，佢其實就在地鐵站開源道出口鱷魚恤大廈旁邊有個路邊入口上去，這小入口都幾靚架，好像行禮咁…哈哈！

剛o岩今天有人包了半場，這邊好熱鬧，這裡好氣氛!!

我6點幾就來到未坐滿

這個菜單都有型，好多菜式選擇，二人行大蝦和牛餐$388巧吸引，可惜我只一個人來

那我當然試D有粒星既Chef’s Choice菜式啦，大家有睇開我Blog都發覺我特別like Black Trufflex同Risotto, 基本上餐廳菜單一有黑松露既或意大利飯我都頂唔緊，所以黎到魔膳那我就點了個香煎帶子黑松露雜菌意大利飯，加$38就有埋沙律吧我就梗加埋啦！甜品食完先揀吧，所以點完就出去沙律櫃到筆，沙律方面都有好多選擇，整體份量都有酒店既一半，我乜到畢D，薯仔沙律好正，南瓜也整得好好味，兩個都汆過水夠林，幾有誠意！

一返埋位那個周打湯同餐包就放了上檯，有點窩心，周打魚湯Fish chowder，也有少量魚肉，不過正宗的過是周打蜆好D吧。餐包是我猜是英式全麥包，配埋這個藍莓果醬好有Afternoon tea feel….haha!

香煎帶子黑松露雜菌意大利飯
好快Main course既risotto就到喇，飯煮得好乾身，我喜歡，你地睇…打則支叉都唔跌架…哈哈！黑松露油味十足，加上意大利飯好入味，正到暈！帶子就好有驚喜，好大隻，應該是輕輕兩邊蒸了一下，咬落出奇的林，仲keep到水份，你地睇相…

我都唔明雪藏帶子怎可以煮得咁林，後尾我問翻原來是佢地話翻我知原來這是刺身Scallop…哈哈失覺晒，我平時在灣仔出沒收$158無乜可能會有這個質量！非常滿足

嘆到接近8點已有好多人來，估唔到工廠區樓上Cafe晚市都可以滿座，果然名不虛傳呀!!

熱飲是桂花蜜花茶，都幾清香，有桂花糕同花蜜味，不算好甜，天氣乾澡就o岩喇！

嘆完個Risotto就出去甜品櫃到揀我個餐甜品，有特濃朱古力Cake, 兩層好像好正，不過下面有這舊波仔，是朱古力Mousse，特濃朱古力Cake就試得多，這個款既就要試下喇！

待應送埋位多....件朱古力Mousse型到爆，咬落去果然就有酒店水準，甜到震每啖都強好濃味，食到中間仲有舊硬野，原來是朱古脆餅，多重口感，絕對酒店級，估唔到今餐有兩個亮點，好滿意。

P.S. 我見有好多客都不學從我入黎那個入口入黎哈，佢地還有個工廠大廈既有lift入口，我估熟客先知果邊有lift到，那我走既時候就由果邊離開，原來這邊柳暗花明，就是正宗的工廈Cafe….

----------------
味道 5/5
環境 4/5
服務 4/5
衛生 4/5
抵食 3/5

總評分 8/10
----------------